ჩვენი ცხოვრება XXI საუკუნეში ორ განზომილებაში მიმდინარეობს - რეალურსა და ვირტუალურში! რეალური ცხოვრების ფუნდამენტი - ჩვენი სახლი და სამსახურია. ვირტუალურისა კი - დომენი და ჰოსტინგი და უდიდესი მნიშვნელობა აქვს თუ სად არის ის განთავსებული. ნებისმიერი ადამიანი ვებ გვერდის გარეშე, როგორც სტატუსის გარეშეა, ხოლო კომპანია ოფისის გარეშე. ვებ ჰოსტინგის არჩევა საიტისათვის ინგლისურ სიტყვას host, რომლისგანაც წარმოიშვა სიტყვა ჰოსტინგი, მრავალი განმარტება აქვს. ერთ-ერთი ასეთი განმარტებაა მესაკუთრე, პატრონი (ადამიანი რომელიც არის სასტუმროს მესაკუთრე). თუ ამ ტერმინის ინტერპრეტირებას მოვახდენთ, თქვენი ვებ გვერდი არის ცოცხალი ორგანიზმი, რომელსაც თავისი სახლი, საცხოვრებელი ადგილი სჭირდება.
რას წარმოადგენს ჰოსტინგი?
ჰოსტინგი (hosting)- მომსახურეობაა, რომელსაც უზრუნველყოფს ჰოსტ პროვაიდერი კომპანია თავის სერვერზე კლიენტის ფაილების განსათავსებლად და შესანახად. უნდა განვასხვავოთ ჰოსტინგი და გაგება სერვერის შექმნა, დიზაინი ,დომენის რეგისტრაცია და შენახვა. ასევე არსებობს ASP (Application Services Providing) ანუ არსებული პროგრამული მოდულების ან ტექნოლოგიების არენდით გაცემა. პატარა და საშუალო საიტებისათვის არ არის საჭირო ცალკეული სერვერის (კომპიუტერის) გამოყოფა. ასეთ შემთხვევაში უფრო ეფექტური და პოპულარულია ეგრედწოდებული ვირტუალური სერვერი, როდესაც პროვაიდერის ერთი ფიზიკური სერვერი უზრუნველყოფს რამოდენიმე (ასამდეც კი) მომხმარებლის ვირტუალური სერვერების ფუნქციონირებას.
